paksahafat پاک صحافت
Related Articles
اسلام آباد (پاک صحافت) طیبہ گل کا کہنا ہے کہ عمران خان نے میری ویڈیوز کے ذریعے چیئرمین نیب جاوید اقبال کو بلیک میل کیا، اور اپنے خلاف کیسز بند کروانے کے لئے استعمال کئے۔
تفصیلات کے مطابق نجی ٹی وی چینل کے ساتھ گفتگو کرتے ہوئے چیئرمین نیب جاوید اقبال کیخلاف مبینہ ویڈیو سامنے والی خاتون طیبہ گل نے کہا ہے کہ سابق وزیراعظم عمران خان نے میری ویڈیوز اپنے نیب کیسز بند کروانے کیلئے استعمال کیں، یہ ویڈیوز عمران خان نے اعظم خان سے حاصل کیں۔
طیبہ گل کا مزید کہنا تھا کہ میں نے اپنی ویڈیوز اعظم خان کو کیس کے شواہد کے طور پر دی تھیں۔ میں نے جب سابق وزیراعظم عمران خان سے ملاقات کی اور انہیں اپنے متعلق کیس کے بارے میں بتایا تو انہوں نے مجھ سے میری مزید ویڈیوز مانگی تھیں، تاکہ وہ کیس کی انکوائری کروا سکیں۔ لیکن ایسا نہیں ہوا تھا اس لیے میں نے مزید کوئی بھی ثبوت انہیں نہیں دیا۔ انہوں نے کہا کہ میری ویڈیوز سے سب سے زیادہ فائدہ تحریک انصاف نے اٹھایا تھا۔
