paksahafat پاک صحافت
Related Articles
کراچی (پاک صحافت) پاک سرزمین پارٹی (پی ایس پی) کے سربراہ مصطفی کمال نے پی ٹی آئی چیئرمین کو آڑے ہاتھوں لیتے ہوئے کہا کہ عمران خان غیر ملکی چینلز پر بیٹھ کر ملک کی ایجنسیوں پر الزام لگا رہے ہیں، انہوں نے اپنے قتل کی سازش کا الزام ملک کے اہم لوگوں پر لگایا، اس سے دنیا بھر میں پاکستان کی جگ ہنسائی ہو رہی ہے۔
تفصیلات کے مطابق کراچی میں پریس کانفرنس کرتے ہوئے مصطفی کمال نے عمران خان کو شدید تنقید کا نشانہ بنایا۔ ان کا کہنا تھا کہ حق اور سچ کو وقت پر بول دینا چاہیے، عمران خان ہر وقت جھوٹ بولتے رہے، کہا آئی ایم ایف کے پاس نہیں جائیں گے اور گئے، انہوں نے کہا 90 روز میں کرپشن ختم کر دیں گے، نہیں کی، جھوٹ بولا۔وہ آج بھی اداروں پر بہتان لگا رہے ہیں، آپ نے کہا تھا وزیر اعظم اور گورنر ہاؤس کو یونیورسٹی بنادیں گے، نہیں بنایا، آپ سے بڑا کوئی اور آپ کا دشمن نہیں۔
واضح رہےکہ پریس کانفرنس کے دوران مصطفی کمال نے مزید کہا کہ پی ٹی آئی میں چاہے چور ہو یا کچھ بھی ہو مگر وہ سچا ہے، 50 روپے کے اسٹیمپ پیپر پر یہ ملک آپ کو لکھ کر دے دینا چاہیے، پی پی کو آپ چور کہتے ہیں اور سینیٹ الیکشن میں اسی سے ووٹ لیتے ہیں، عمران خان آپ نے اپنی حکومت میں سب کو بند کر دیا، سب کو جیلوں میں ڈالا۔
