paksahafat پاک صحافت
Related Articles
لاہور (پاک صحافت) سردار اختر مینگل نے شہباز شریف کے ساتھ ایک اہم ملاقات کی ہے جس میں ملکی سیاسی صورت حال پر تبادلہ خیال کیا گیا اور باہمی مشاورت کی گئی۔
تفصیلات کے مطابق بلوچستان نیشنل پارٹی کے سربراہ سردار اختر مینگل پاکستان مسلم لیگ ن کے صدر اور قائد حزب اختلاف شہباز شریف کی رہائش گاہ گئے جہاں شہباز شریف نے ان کا پرتپاک استقبال کیا۔ دونوں قائدین نے ماڈل ٹاﺅن میں ملاقات کی جس میں مہنگائی، بے روزگاری، معاشی تباہی اور شدید عوامی مسائل پر بات چیت کی گئی۔
ذرائع کے مطابق ملاقات میں دونوں قائدین نے تحریک عدم اعتماد کی عوامی خواہش کی تکمیل سے متعلق گفتگو کی، مجموعی ملکی صورت حال اور اپوزیشن کی مستقبل کی حکمت عملی سے متعلق بھی تبادلہ خیال کیا گیا۔ یاد رہے کہ اس وقت اپوزیشن کی جانب سے تحریک عدم اعتماد لانے کی بھرپور کوشش کی جارہی ہے۔
Short Link
Copied
