paksahafat پاک صحافت
Related Articles
کراچی (پاک صحافت) وزیر اطلاعات سندھ شرجیل میمن نے کہا ہے کہ عمران خان نے اپنے ہاتھوں سے ڈرامے کرائے، یہ غنڈہ گردی کے ذریعے حکومت میں آنا چاہتے ہیں، یہ سمجھتے ہیں کسی بھی موقع پر عدالت انہیں نہیں بلاسکتی۔
تفصیلات کے مطابق شرجیل میمن نے کراچی میں پریس کانفرنس کرتے ہوئے کہا کہ عمران خان خود کو آئین سے بالاتر سمجھتے ہیں، ماضی میں بڑے لیڈران نے عدالتوں کا سامنا کیا۔ شرجیل میمن نے کہا کہ عدالت کے احکامات کی دھجیاں اڑائی گئیں مگر افسوس کی بات ہے کہ اس شخص کو ضمانت مل گئی۔
واضح رہے کہ شرجیل میمن نے مزید کہا کہ پچھلے کچھ دنوں سے پاکستان میں وہ کچھ ہورہا ہے جو ماضی میں نہیں ہوا۔ 50 سے زائد پولیس والوں کو زخمی کیا لیکن عدالت سے ضمانت مل گئی، صدر کہتا ہے کہ عمران خان کے خلاف سازش ہے، کون سے ملک میں ایسا ہوتا ہے، کون کر رہا ہے سازش، عدالت سازش کر رہی ہے؟
Short Link
Copied
