paksahafat پاک صحافت
Related Articles
اسلام آباد (پاک صحافت) وفاقی وزیر داخلہ رانا ثناء اللہ نے پی ٹی آئی چیئرمین عمران خان، بشریٰ بی بی اور فرح گوگی کے خلاف اہم انکشاف کر دیے۔ وزیر داخلہ کا کہنا ہے کہ عمران خان اور بشریٰ بی بی کے خلا ف اربوں روپے کی کرپشن کے ایسے ثبوت موجود ہیں کہ یہ لوگ انکار ہی نہیں کرسکتے ۔
تفصیلات کے مطابق وفاقی وزیر داخلہ رانا ثناء اللہ نجی ٹی وی چینل کے پروگرام میں شریک ہوئے، اس موقع پر انہوں نے اہم انکشاف کر دیئے۔ انہوں نے اس بات کا بھی جواب دیا کہ عمران خان کی اہلیہ بشری ٰ بی بی کی دوست فرح گوگی نے صرف ایک کیس میں ہی 57 ارب روپےکا غبن کیسے کیا؟
واضح رہے کہ پروگرام کے دوران وزیر داخلہ رانا ثناء اللہ نے کہا کہ صرف ایک کیس میں ہی انہوں نے 57 ارب روپے کا گھپلہ کروایا اور اسکے نتیجے میں دس ارب روپے بیگز میں وصول کیے۔ رانا ثناءاللہ نے کہا کہ ادارے انکوائری کررہے ہیں، ایف آئی آر بھی ہوگی ، ریفرنس بھی ہوگا اور ان کے خلاف عدالت بھی جائیں گے۔
