paksahafat پاک صحافت
Related Articles
نئی دہلی {پاک صحافت} بھارت میں کورونا وائرس حفاظتی تدابیر کوپس پُشت ڈال کر منائے گئے ہولی کے تہوار کے دوران اژدہام کے نتیجے میں 41 افراد ہلاک ہو گئے ہیں۔
پولیس ذرائع کے حوالے سے ہندوستان ٹائمز کی خبر کے مطابق صوبہ بہار میں حالیہ 2 روز سے جاری ہولی کے تہوار میں پیش آنے والے حادثات اور تشدد کے واقعات میں 3 بچوں سمیت 41 افراد ہلاک اور 38 زخمی ہو چکے ہیں۔
واضح رہے کہ بھارت کے متعدد صوبوں میں کوویڈ۔19 کی حفاظتی تدابیر کو پسِ پشت ڈال کر عوام ‘ہولی’ منانے کے لئے گلیوں میں نکل آئے۔
ہولی کو ہندو عقائد میں اچھائی کے برائی پر غالب آنے اور موسم سرما کے خاتمے اور بہار کے آغاز کی علامت سمجھا جاتا ہے۔
ہولی سے ایک دن قبل ہندو آگ جلا کر متعدد مذہبی رسومات ادا کرتے ہیں اور ہولی کے دن ایک دوسرے پر پانی اور رنگ پھینکتے ہیں۔ اس وجہ سے بعض ممالک میں ہولی کو رنگوں کا تہوار بھی کہا جاتا ہے۔
