paksahafat پاک صحافت
Related Articles
اسلام آباد (پاک صحافت) وزیراعظم شہباز شریف کا کہنا ہے کہ سیلاب متاثرین کی جلد بحالی کیلئے دن رات کوشاں ہیں۔
تفصیلات کے مطابق نیشنل فلڈ رسپانس کوآرڈینیشن کے اعزاز میں تقریب سے خطاب کرتے ہوئے وزیراعظم شہباز شریف نے کہا ہے کہ سیلاب کے دوران مسلح افواج، متعلقہ اداروں، وفاق اور صوبائی حکومتوں نے مل کر کام کیا۔ مشترکہ کاوشوں اور جذبے سے متاثرین کی خدمت کے قابل ہوئے، چیئرمین این ڈی ایم اے کی خدمات لائق تحسین ہیں۔
وزیراعظم شہباز شریف کا مزید کہنا تھا کہ سیلاب سے سیکڑوں لوگ اللہ کو پیارے ہوئے، دکھی انسانیت کی خدمت کیلئے تمام وسائل بروئے کار لائے گئے، مستقبل میں بھی قدرتی آفات سے نمٹنے کیلئے اسی جذبے سے کام کرنا ہوگا۔ انہوں نے کہا کہ سیلابی تباہی پر دکھ ہے، سیلاب کے دوران کام کرنے والوں سے ملاقات فخر کی بات ہے۔
Short Link
Copied
