paksahafat پاک صحافت
Related Articles
پاک صحافت عراق میں ٹیکس اتھارٹی اور انسداد بدعنوانی کے محکمے کے اہلکاروں کے ایک نیٹ ورک سے بین الاقوامی تیل کمپنیوں کے ٹیکس کھاتوں سے اربوں دینار کی چوری کے ایک بڑے سکینڈل کے سلسلے میں تفتیش کی جا رہی ہے۔
کہا جا رہا ہے کہ اس بڑے گھوٹالے میں وزارت انصاف کے افسران بھی ملوث تھے۔ ملزمان نے آئل کمپنیوں کی جانب سے عراقی جنرل کمیشن آف ٹیکسز (آئی جی سی ٹی) کو ادا کیے گئے ٹیکسوں میں فراڈ کیا۔ تفتیش کاروں کا خیال ہے کہ یہ عراق کی اب تک کی سب سے بڑی ڈکیتی ہو سکتی ہے۔
جن اہم بین الاقوامی کمپنیوں کو نشانہ بنایا گیا ہے ان میں چائنا پیٹرولیم انجینئرنگ، سی پی ای سی سی اور لوکوئل مڈ ایسٹ لمیٹڈ ہیں، جو روسی توانائی کی بڑی کمپنی کی مقامی ذیلی کمپنی ہے۔
اس اسکینڈل میں کمپنیوں کی جانب سے ٹیکس ڈپازٹ ریفنڈز کی درخواستوں کے جواب میں آئی جی سی ٹی کی طرف سے جاری کردہ جھوٹے دستاویزات اور چیکس کو گھڑنا شامل ہے۔
تیل کمپنیوں کے نمائندے ہونے کا جھوٹا دعویٰ کرتے ہوئے، سکیمرز نے چیکوں کے عوض، سرکاری رفیڈن بینک کی برانچ میں آئی جی سی ٹی کے ٹیکس اکاؤنٹ سے رقم نکال لی۔
دعویٰ کیا جا رہا ہے کہ صدی کی سب سے بڑی چوری کہلائے جانے والے اس گھوٹالے کی مالیت تقریباً 5 ارب ڈالر ہے۔
عراقی وزارت خزانہ کے ایک اہلکار کا دعویٰ ہے کہ کوئی چوری نہیں ہوئی، کیونکہ چیک کی مالیت کروڑوں ڈالر تھی اور اس کی ادائیگی میں عجلت نے کچھ سینئر حکام کی توجہ مبذول کرائی۔
عراقی حکام کا کہنا ہے کہ چیک فوری طور پر متعلقہ سرکاری محکموں کو دے دیے گئے جس کے بعد حکومت نے تحقیقات کا آغاز کر دیا ہے۔
ذرائع کا کہنا ہے کہ باقی ماندہ چیکوں میں سے کچھ کو کیش ہونے سے روک دیا گیا تھا تاہم اس سے قبل 44 ارب دینار سے زائد رقم نکلوائی جا چکی تھی۔
