paksahafat پاک صحافت
Related Articles
اسلام آباد (پاک صحافت) سوئی سدرن نے گیس کی قیمت بڑھانے کے لئے درخواست دے دی ہے۔ اس بات کا امکان ہے کہ عنقریب گیس کی قیمتوں میں مزید اضافہ کیا جائے گا۔
تفصیلات کے مطابق سوئی سدرن نے گیس کی قیمت میں اضافے کے لئے اوگرا میں درخواست دے دی۔ درخواست میں گیس کی قیمت میں 58 روپے 42 پیسے فی ایم ایم بی ٹی یو اضافے کی استدعا کی گئی ہے۔ سوئی سدرن کا درخواست میں کہنا ہے کہ گیس کی موجودہ اوسط قیمت 779 روپے88 پیسے فی ایم ایم بی ٹی یو ہے جسے بڑھا کر 838 روپے فی ایم ایم بی ٹی یو کیا جائے۔
درخواست کے مطابق رواں مالی سال ریوینیو شارٹ فال کا تخمینہ 18 ارب 39 کروڑ روپے ہے اور گیس کی قیمت بڑھانے کی درخواست رواں مالی سال کی ریوینیو ضروریات کیلئے دی گئی ہے۔ اوگرا میں سوئی سدرن کی درخواست کی سماعت 6 دسمبر کو کراچی میں ہوگی۔
Short Link
Copied
