paksahafat پاک صحافت
Related Articles
کراچی (پاک صحافت) امتیاز شیخ کا کہنا ہے کہ سندھ کو لسانی بنیادوں پر تقسیم کرکے فسادات کرانے کی کوئی سازش کامیاب ہونے نہیں دیں گے، ملوث عناصر کے خلاف سخت کارروائی ہوگی۔
تفصیلات کے مطابق صوبائی وزیر توانائی سندھ امتیاز شیخ کا اے این پی رہنما شاہی سید اور جئے سندھ محاذ کے ریاض چانڈیو سے رابطہ ہوا جس میں کراچی سمیت حیدرآباد کی صورتحال پر تبادلہ خیال کیا گیا۔ انہوں نے کہا کہ سندھ میں لسانی فساد کرانے کی سازش ناکام بنادی جائے گی، سندھ میں رہنے والی تمام قوموں سے گزارش ہے کہ وہ پرامن رہیں، قانون ہاتھ میں نہ لیں۔
وزیر توانائی سندھ امتیاز شیخ کا مزید کہنا تھا کہ سندھ میں لسانی فساد کرانے کی کوئی سازش کامیاب نہیں ہوگی، سندھ صوفیا کی سرزمین ہے جو ہمیشہ پیار محبت کا درس دیتی ہے۔ جو بھی قانون ہاتھ میں لے گا اس کیخلاف سخت کارروائی کی جائے گی، عوام سے اپیل ہے آپس میں محبت، بھائی چارگی اور ہم آہنگی برقرار رکھیں۔
