paksahafat پاک صحافت
Related Articles
اسلام آباد (پاک صحافت) شیری رحمان کا کہنا ہے کہ ذخیرہ اندوزی میں ملوث مافیا کو پی ٹی آئی حکومت کی سرپرستی حاصل ہے۔ چینی کے بعد اب گندم بحران پیدا کرنے کی کوشش کی جارہی ہے۔
تفصیلات کے مطابق پیپلزپارٹی کی رہنما سینیٹر شیری رحمان نے سوشل میڈیا کی ویب سائٹ ٹوئٹر پر ایک بیان جاری کرتے ہوئے کہا ہے کہ پی ٹی آئی حکومت جان بوجھ کر ملک میں گندم بحران پیدا کرنے کے لئے ابھی سے منصوبہ بندی کررہی ہے۔ زیادہ سے زیادہ منافع کمانے کے چکر میں حکومت اشیائے خورد و نوش کو ذخیرہ کررہی ہے۔
سینیٹر شیری رحمان کا مزید کہنا ہے کہ ملک بھر میں گندم کی کٹائی ابھی مکمل ہوئی ہے، مئی میں گندم درآمد کرنے کا مطلب ملک میں پورا سال گندم بحران رہے گا۔ ابھی مقامی گندم کی مارکیٹ میں رسائی یقینی بنائی جاتی۔ غذائی درآمدی بل اس سال 55 فیصد بڑھ کے 6.12 بلین ڈالر تک پہنچا ہے جس کی بنیادی وجہ چینی اور گندم کی درآمد ہے۔
