paksahafat پاک صحافت
Related Articles
اسلام آباد (پاک صحافت) پیپلزپارٹی کے سیکریٹری جنرل نیئر حسین بخاری نے کہا ہے کہ پی ٹی آئی حکومت جان بوجھ کر قومی اداروں کو متنازعہ اور کمزور بنارہی ہے۔ جس کا مقصد اداروں پر اثر انداز ہونا اور اپنی مرضی کے فیصلے لینا ہے۔
تفصیلات کے مطابق پیپلزپارٹی کے مرکزی رہنما سید نیئر حسین بخاری نے حکومت کی جانب سے الیکشن کمیشن کے استعفے کے مطالبے کی شدید الفاظ میں مذمت کرتے ہوئے کہا ہے کہ حکومتی مطالبہ مضحکہ خیز، بدنیتی اور انتقام پر مبنی ہے۔ حکومت نے الیکشن کمیشن پر اثر انداز ہونے اور دباو ڈالنے کے لئے یہ مطالبہ کیا ہے جو کہ آئین اور قانون کی کھلی خلاف ورزی ہے۔
سید نیئر حسین بخاری کا مزید کہنا تھا کہ جو ادارہ حکومتی اشاروں پر اس کی مرضی کے فیصلے نہیں دیتا حکومت اس سے خوش نہیں ہوتی جبکہ نیب کی طرح حکومتی ترجمان بننے والے اداروں سے حکومت خوش ہوتی ہے۔ پیپلزپارٹی اس حوالے سے الیکشن کمیشن کا بھرپور ساتھ دے گی۔
