paksahafat پاک صحافت
Related Articles
کراچی (پاک صحافت) وزیر بلدیات سندھ سید ناصر حسین شاہ نے تحریکِ انصاف کو ایک بار پھر ہدفِ تنقید بناتے ہوئے کہا ہے کہ پی ٹی آئی اور اس کے حواریوں کی چیخیں بتا رہی ہیں کہ جنیوا کانفرنس نے ان کے تابوت میں آخری کیل ٹھونک دی ہے۔
تفصیلات کے مطابق ٹوئٹر پر جاری بیان میں ناصر شاہ نے کہا کہ جنیوا کانفرنس کے بعد پی ٹی آئی نے بھی وہ ہی الزامات لگائے جو مودی کی حکومت نے لگائے تھے، قوم کی فلاح کے لیے فقیر بننا جعلی پیر بننے سے کہیں سے زیادہ بہتر ہے۔ ان کا کہنا ہے کہ میرے خیال میں عمران خان کا اصل غصہ یہ ہے کہ بلاول بھٹو زرداری نے گجرات کے قصائی ’مودی‘ کو پوری دنیا کے سامنے کیوں بے نقاب کیا۔
واضح رہے کہ وزیر بلدیات سندھ یہ بھی کہا ہے کہ کاش عمران خان فضول باتیں کرنے سے پہلے بلاول بھٹو زرداری کی افغانستان کے لوگوں کے بارے میں کی گئی گفتگو سن لیتے۔ ناصر حسین شاہ نے اپنے ٹوئٹ میں وزیرِ خارجہ بلاول بھٹو زرداری کی اقوامِ متحدہ میں تقریر کا ویڈیو کلپ بھی شیئر کیا ہے۔
