paksahafat پاک صحافت
Related Articles
اسلام آباد (پاک صحافت) امیرمقام نے کہا ہے کہ ملک میں تبدیلی کے لئے صرف وزراء کو بدلنا کافی نہیں بلکہ وزیراعظم کو بدلنا ہوگا۔ کپتان کو بدلے بغیر ٹیم سے اچھی کارکردگی کی امید رکھنے کا کوئی فائدہ نہیں ہے۔
تفصیلات کے مطابق مسلم لیگ ن خیبرپختونخواہ کے صدر امیرمقام نے کہا ہے کہ ملک کو درپیش مسائل کا حل اور ملکی تعمیر و ترقی کے لئے موجودہ نااہل وزیراعظم کو بدلنا ضروری ہے۔ صرف وزیر تبدیل کرنے سے کچھ نہیں ہوگا بلکہ ملک و قوم کی تباہی کا اصل ذمہ دار وزیراعظم ہے اسے تبدیل کئے بغیر ترقی ممکن نہیں ہے۔
امیرمقام کا مزید کہنا ہے کہ پاکستان ڈیمو کریٹک موومنٹ سیاسی اتحاد نہیں بلکہ ایک تحریک کا نام ہے۔ ہم سب الگ الگ انتخابی نشانات سے الیکشن لڑیں گے۔ پیپلزپارٹی کو مرکز میں بھی مسلم لیگ ن کا ساتھ دینا چاہیے تھا۔ کچھ بھی ہو مسلم لیگ ن حکومت مخالف تحریک سے پیچھے نہیں ہٹے گی۔
