paksahafat پاک صحافت
Related Articles
اسلام آباد (پاک صحافت) پی ٹی آئی حکومت کے برسراقتدار آنے کے بعد سے ہی ملکی معیشت رو بہ زوال ہوگئی تھی اور اب تباہی کے دہانے پہ پہنچ چکی ہے مگر حکومت روزگار اور معیشت جیسے مسائل کو حل کرنے میں مکمل ناکام ہے۔
تفصیلات کے مطابق تازہ ترین کئے گئے سروے رپورٹ میں کہا گیا ہے کہ اس وقت بے روزگاری اور مہنگائی پاکستان کے سب سے بڑے اور اہم مسائل ہیں جبکہ کورونا وائرس کا شمار تیسرے نمبر پہ آتا ہے۔ سروے میں شریک افراد کی اکثریت نے ملکی معیشت اور روزگار کو ملک کا اہم مسئلہ قرار دیا۔
سروے کے 73 فیصد شرکا نے مہنگائی اور دو تہائی نے بیروزگاری کو سب سے بڑا مسئلہ قرار دیا۔ سروے میں ملک بھر سے 1100 افراد کی رائے لی گئی۔ کورونا وائرس اہم ترین مسائل کی فہرست میں تیسرے نمبر پر رہا اور اس کے بعد شرکا نے بڑھتی ہوئی غربت کو اہم مسئلہ قرار دیا۔
Short Link
Copied
