paksahafat پاک صحافت
Related Articles
کراچی (پاک صحافت) مرتضی وہاب کا کہنا ہے کہ بلاول بھٹو کا شکر گزار ہوں جنہوں نے مجھے منتخب کیا، بہتان اور الزام لگانے والے ہاتھ ملتے رہ جائیں گے۔
تفصیلات کے مطابق سندھ حکومت کے ترجمان و مشیر قانون بیرسٹر مرتضی وہاب نے میئر کراچی کیلئے کاغذات نامزدگی ریجنل الیکشن کمیشن آفس میں جمع کروا دیے ہیں۔ اس موقع پر انہوں نے کہا کہ کراچی والوں کا شکرگزار ہوں جنہوں نے مجھ پر اعتماد کیا۔ مجھ پر ثبوت کے بغیر الزامات لگائے جا رہے ہیں۔
مرتضی وہاب کا مزید کہنا تھا کہ حافظ نعیم کی میٹنگ میں لوگ نہیں آئے، ان کا قصور وار کون ہے؟ کوئی ووٹ نہیں دینا چاہ رہا تو ذمہ داری ہم پر ڈالی جا رہی ہے۔ بہتان اور الزام لگانے والے ہاتھ ملتے رہ جائیں گے، نمائندے انہیں منتخب کریں گے جو خدمت کا جذبہ لے کر آئے ہیں۔
Short Link
Copied
