paksahafat پاک صحافت
Related Articles
لاہور (پاک صحافت) خواجہ سعد رفیق کا کہنا ہے کہ بھارتی سپریم کورٹ مقبوضہ کشمیر کی حیثیت کا تعین کرنے کی مجاز نہیں ہے۔
تفصیلات کے مطابق مسلم لیگ (ن) کے رہنما خواجہ سعد رفیق نے بھارتی سپریم کورٹ کے مقبوضہ کشمیر کی حیثیت ختم کرنے کا اقدام درست قرار دینے کے فیصلے کی مذمت کرتے ہوئے کہا کہ بھارتی عدالت کا فیصلہ عالمی قوانین اور اقوام متحدہ کی قراردادوں کی توہین ہے۔
سابق وفاقی وزیر خواجہ سعد رفیق کا مزید کہنا تھا کہ مقبوضہ کشمیر تسلیم شدہ متنازع علاقہ ہے۔ کشمیر کی حقیقی حیثیت کا تعین اس کے شہری استصواب رائے سے ہی کریں گے۔
واضح رہے کہ بھارتی سپریم کورٹ نے مقبوضہ کشمیر کی خصوصی حیثیت کی بحالی سے متعلق درخواستیں مسترد کردیں اور یکطرفہ فیصلہ سناتے ہوئے 5 اگست 2019 کا فیصلہ برقرار رکھا ہے۔
Short Link
Copied
