paksahafat پاک صحافت
Related Articles
اسلام آباد (پاک صحافت) آرمی چیف جنرل قمر جاوید باجوہ نے امریکہ کا کامیاب دورہ مکمل کرنے کے بعد واپس وطن پہنچ گئے ہیں۔
تفصیلات کے مطابق آرمی چیف جنرل قمر جاوید باجوہ نے اپنے دورے کے دوران امریکی انتظامیہ کے اعلیٰ عہدے داران کے ساتھ ملاقاتیں کیں۔ امریکی دورے کے دوران انہوں نے افغانستان، چین اور بھارت پر بھی بات کی ہے۔ جبکہ اپنے دورے کے دوران پاک امریکا تعلقات میں بہتری، تجارت اور سرمایہ کاری پر زور دیا۔
ذرائع کے مطابق دورۂ امریکا میں آرمی چیف نے بتایا کہ پاکستان تنازعِ کشمیر کا جلد حل چاہتا ہے۔ امریکی دورے کے دوران جنرل قمرجاوید باجوہ نے کہا کہ پاکستان امریکا کا طویل مدتی شراکت دار رہا ہے۔ امریکی وزیرِ دفاع لائیڈ آسٹن کا اپنے بیان میں کہنا ہے کہ پاکستانی آرمی چیف کی پینٹاگون میں میزبانی پر خوشی ہوئی۔ ان کا یہ بھی کہنا ہے کہ ہم پاک امریکا تعلقات کے 75 سال منارہے ہیں۔
