paksahafat پاک صحافت
Related Articles
لاہور (پاک صحافت) استحکام پاکستان پارٹی کے رہنما عون چوہدری نے پاکستان تحریک انصاف (پی ٹی آئی) کے چیئرمین عمران خان کی گرفتاری پر ردعمل دیتے ہوئے کہا کہ انتشار کی سیاست ایک سال سے چل رہی تھی، آج انتشار کی سیاست اختتام پذیر ہو گئی۔ انہوں نے یہ بھی کہاکہ 9 مئی کے واقعات کو پلان کرنے والے کو آج گرفتار کر لیا گیا۔
تفصیلات کے مطابق عون چوہدری نے جاری بیان میں کہا کہ یہ مکافات عمل ہے جو کریں گے آپ کے ساتھ ہو گا، 9 مئی کو وہ کچھ ہوا جو پاکستان کا دشمن ہی کر سکتا ہے، نوجوانوں کے ذہنوں کو آلودہ کیا گیا۔ یوتھ کو سمجھنا چاہیے کہ ملک میں سیاسی اور معاشی استحکام ضروری ہے، چیئرمین پی ٹی آئی نے ملک کی سیاست کو گندا کر کے رکھ دیا۔
واضح رہے کہ عون چوہدری نے جاری بیان میں مزید کہا کہ یہ شروعات ہے، اس کیس میں بڑے بڑے انکشافات ہوں گے، یہ لوگوں کو جھوٹے کیسز میں اندر ڈلواتے تھے، آج ان کے ساتھ انصاف ہوا ہے۔ عون چوہدری کا کہنا ہے کہ جو ملک کی یوتھ کو ورغلائیں انہیں بے نقاب کرنا ہے، توشہ خانہ کیس میں جو کچھ ہوا ہے یہ اللہ کا انصاف ہے۔ پاکستان میں نفرت کی سیاست ختم ہونی چاہیے۔
