paksahafat پاک صحافت
Related Articles
لندن (پاک صحافت) لندن میں افغان اعلی حکام نے سابق وزیراعظم میاں محمد نواز شریف سے ایک اہم ملاقات کی ہے۔ جس میں خطے کی موجودہ صورت حال پر تبادلہ خیال کیا گیا ہے۔
تفصیلات کے مطابق افغان نیشنل سیکیورٹی ایڈوائزر حمداللہ محب اور وزیر مملکت برائے امن سید سادات نادری نے مسلم لیگ ن کے قائد اور سابق وزیراعظم نواز شریف سے لندن میں ملاقات کی، جس میں باہمی دلچسپی کے امور پر تبادلہ خیال کیا گیا۔
افغان قومی سلامتی کونسل کی جانب سے جاری بیان میں کہا گیا ہے کہ ملاقات کے دوران دونوں فریقین کی جانب سے اس بات پر اتفاق کیا گیا ہے کہ ایک دوسرے کے اندرونی معاملات میں باہمی احترام اور عدم مداخلت کی پالیسی سے فائدہ اٹھائیں گے اور جمہوریت کی مضبوطی دونوں پڑوسیوں کو استحکام اور خوشحالی کی راہ پر گامزن کرے گی۔
Short Link
Copied
