paksahafat پاک صحافت
Related Articles
خوشاب (پاک صحافت) مولانا فضل الرحمن کا کہنا ہے کہ اس وقت عالمی اداروں کا سب سے زیادہ دباؤ پاکستان پر ہے۔
تفصیلات کے مطابق سربراہ جے یو آئی مولانا فضل الرحمان نے جلسے سے خطاب کرتے ہوئے کہا ہے کہ پس پردہ حکمرانی کوئی اور کرتا ہے مگر سیاستدان ہمیشہ عوام کے نشانے پر ہوتے ہیں۔ قوم کو بتانا ہوگا بہت ہو چکا، اب ووٹ کا فیصلہ نئے زاویے سے کرنا ہوگا۔
مولانا فضل الرحمن کا مزید کہنا تھا کہ پارلیمنٹ کو ایسے لوگوں سے بھر دیا جاتا ہے جن کو قرآن و سنت سے دلچسپی نہیں ہوتی، اندر سے مذہبی اقدار اور اوپر سے تہذیب کی حیا ہونی چاہیے۔ ہر چند مہینوں کے بعد آئی ایم ایف ایک نیا معاہدہ کر رہا ہوتا ہے۔
انہوں نے کہا کہ ہمیں امداد اور قرضے ان کی شرائط پر ملتی ہیں، ہم نے اپنے ملک کو آئی ایم ایف کے ہاتھوں بیچا ہے، قیمتوں کا اتار چڑھاؤ اب آپ کے ہاتھ میں نہیں ان کے ہاتھ میں ہے۔
