paksahafat پاک صحافت
Related Articles
اسلام آباد (پاک صحافت) بلاول بھٹو کا کہنا ہے کہ جتنی شکست سلیکٹڈ حکومت اور وزیراعظم کو ہوئی ہے اتنی بزدلانہ شکست کبھی پاکستان میں نہیں دیکھی گئی۔
تفصیلات کے مطابق چیئرمین پیپلزپارٹی بلاول بھٹو زرداری نے کہا ہے کہ آج پیپلزپارٹی کی سینٹرل ایگزیکٹو کمیٹی (سی ای سی) کا اجلاس ہوا جس میں سلیکٹڈ حکومت کے خاتمے پر مبارکباد دی گئی ہے۔ کپتان وکٹ اٹھا کر بھاگ گیا ہے۔
بلاول بھٹو کا مزید کہنا تھا کہ اب عمران خان پنجاب سے بھی بھاگنے کی کوشش کررہے ہیں۔ ان کی وجہ سے ایک سیاسی جماعت دوسری سیاسی جماعت سے بات تک کرنے کو تیار نہیں ہے۔ عمران خان نے خارجہ پالیسی کا بیڑہ غرق کردیا ہے۔ انہوں نے بھاگتے بھاگتے آئین کو توڑا ہے۔ امید ہے سپریم کورٹ آئین کا ساتھ دے گی۔ انہوں نے کہا کہ اگر دوبارہ پارلیمنٹ میں نہ گیا تو آئندہ تمام الیکشن متنازعہ ہوجائیں گے۔ ہمارے پاس ایک موقع ہے کہ ہم آئین و قانون اور جمہوریت کی بالادستی کو یقینی بناسکیں۔
