لاہور (پاک صحافت) چوہدری شجاعت حسین کا کہنا ہے کہ پی ٹی آئی کیخلاف ملٹری ایکٹ کے تحت مقدمے درج ہونے چاہیے۔
تفصیلات کے مطابق مسلم لیگ ق کے سربراہ اور سابق وزیراعظم چوہدری شجاعت حسین نے میڈیا سے گفتگو کرتے ہوئے کہا ہے کہ جو آرمی چیف جنرل عاصم منیر کے خلاف بات کرے گا وہ ملک کے خلاف بات کرے گا۔ وہ پاک فوج کے سپہ سالار ہیں، آج جو ریلی نکالی گئی وہ کسی ایک جماعت کی نہیں، آج کسی سیاسی پارٹی کا نہیں ملکی بقا کا مسئلہ ہے۔
چوہدری شجاعت حسین کا مزید کہنا تھا کہ جو سیاست چمکانے کےلیے جلسے کررہے ہیں یہ کامیاب نہیں ہوں گے، ایک شخص لیڈر بنتا ہے اور لوگوں کو اکساتا ہے کہ آپ توڑ پھوڑ کریں، پاکستان تحریک انصاف اور ان لوگوں پر پابندی لگانی چاہیے۔
انہوں نے کہا کہ جو بھی پاکستان کے خلاف بات کرے گا اس کو سزا مل جائے گی، ہمارا پہلے دن سے موقف ہے کہ ایک ہی وقت الیکشن ہوں۔ الیکشن ہوں یا نہ ہوں پی ٹی آئی کو اپنا مستقبل جلد پتہ چل جائے گا۔