paksahafat پاک صحافت
Related Articles
اسلام آباد (پاک صحافت) خواجہ سعد رفیق کا کہنا ہے کہ اتحادی جماعتوں کی مشاورت کے بعد ہی موجودہ حکومت آئندہ کا لائحہ عمل طے کرے گی، ہار جیت کھیل کا حصہ ہے۔
تفصیلات کے مطابق وفاقی وزیر اور مسلم لیگ ن کے رہنما خواجہ سعد رفیق نے ایک بیان جاری کرتے ہوئے کہا ہے کہ ہمارا مقابلہ پی ٹی آئی سے نہیں بلکہ بڑھتی ہوئی مہنگائی اور عوام کو درپیش مسائل و مشکلات سے تھا۔ پی ڈی ایم کی تمام جماعتوں اور پیپلزپارٹی کی قیادت کو بیٹھ کر فیصلہ کرنا ہے۔
خواجہ سعد رفیق کا مزید کہنا ہے کہ ہم نے ہمیشہ عوام کے فیصلے کو تسلیم کیا ہے، اب بھی تسلیم کرتے ہیں۔ انہوں نے کہا کہ آج ہم بھی عمران خان کی طرح رونا رو سکتے تھے لیکن ہم ایسا نہیں کریں گے۔ اتحادی جماعتوں کی مشاورت کے بعد آئندہ کا لائحہ عمل بنایا جائے گا۔
Short Link
Copied
