paksahafat پاک صحافت
Related Articles
اسلام آباد (پاک صحافت) پاکستان مسلم لیگ ن کی سینئر نائب صدر و چیف آرگنائیزر مریم نواز نے کہا ہے کہ سابق ڈی جی آئی ایس آئی لیفٹیننٹ جنرل (ر) فیض حمید کا کورٹ مارشل ہونا چاہیے۔ مریم نواز کا کہنا ہےکہ غیر آئینی کردار پر فیض حمید کو نشانِ عبرت بنانا چاہیے۔
تفصیلاتک کے مطابق ویب چینل کو انٹرویو دیتے ہوئے پاکستان مسلم لیگ ن کی سینئر نائب صدر مریم نواز نے کہا کہ فیض حمید نے 2 سال ن لیگ کی حکومت گرانے میں کردار ادا کیا، انہوں نے 4 سال عمران حکومت کی حمایت کر کے ملک تباہ کرنے میں کردار ادا کیا۔
واضح رہے کہ گزشتہ روز مریم نواز نے شیخوپورہ میں جلسے سے خطاب کرتے ہوئے کہا تھا کہ نواز شریف نے کہا تھا کہ میں اپنا فیصلہ اللہ تعالیٰ پر چھوڑتا ہوں۔ اور آج جس جس نے نواز شریف کے خلاف سازش کی وہ سب ذلیل و خوار ہوئے اور ذلت و رسوائی ان کا مقدر بنی ہے۔
Short Link
Copied
