paksahafat پاک صحافت
Related Articles
اسلام آباد (پاک صحافت) وزیر داخلہ رانا ثناءاللہ کا کہنا ہے کہ خیبرپختونخوا میں امن و امان کی بگڑتی صورت حال انتہائی باعث تشویش ہے۔
تفصیلات کے مطابق وزیر داخلہ رانا ثناءاللہ نے ایک بیان جاری کرتے ہوئے لکی مروت کے تھانہ برگئی پر دہشت گرد حملے کی مذمت اور شہید پولیس اہلکاروں کے اہل خانہ سے ہمدردی کا اظہار کیا ہے۔ ان کا کہنا ہے کہ وزیراعلی خیبرپختونخوا امن و امان کی صورت حال پر سنجیدگی سے توجہ دیں اور اپنے صوبے میں زیادہ اور زمان پارک میں کم وقت گزاریں۔
رانا ثناءاللہ کا مزید کہنا ہے کہ وزیراعلی کے پی کے عمران خان کے آلہ کار بننے کے بجائے عوام کے تحفظ کی ذمے داریاں پوری کریں۔ کے پی کے پولیس پر دہشت گردوں کے حملوں میں اضافہ نیک شگون نہیں، پولیس پر حملے ہورہے ہیں تو عوام کے تحفظ کا کیا حال ہو گا؟۔ انہوں نے کہا کہ پولیس کی صلاحیت بڑھانے کے لیے کے پی کے حکومت کو ہر ممکن مدد اور تعاون دینے کو تیار ہیں۔ خیبرپختونخوا حکومت شہداء کے خاندان کو شہداء پیکیج کی جلد فراہمی یقینی بنائے۔
