paksahafat پاک صحافت
Related Articles
پشاور (پاک صحافت) پاکستان ڈیموکریٹک موومنٹ (پی ڈی ایم) کے ترجمان حافظ حمد اللہ نے شیری مزاری کی جانب سے اقوام متحدہ کو لکھے گئے خط پر سخت ردعمل کا اظہار کیا ہے۔ حافظ حمد اللہ نے کہا ہے کہ اقوام متحدہ کو خط، عالمی اسٹیبلشمنٹ کو پاکستان کی اندرونی سیاست میں مداخلت کی دعوت ہے۔
تفصیلات کے مطابق پی ڈی ایم ترجمان حافظ حمد اللہ نے اپنے ردعمل میں کہا ہے کہ پی ڈی ایم ان کی اس غیر جمہوری عمل کی شدید الفاظ میں مذمت کرتے ہوئے مسترد بھی کرتی ہے۔ انہوں نے کہاکہ توہین مذہب کا قانون کسی کے خلاف استعمال نہیں ہوگا لیکن ملکی قوانین کے تحت کسی کو توہین مذہب کی بھی اجازت نہیں۔
واضح رہے کہ پی ڈی ایم ترجمان حافظ حمد اللہ نے مزید کہا کہ شیرین مزاری تم اور عمران نیازی اینڈ کمپنی روضہ رسول اور مسجد نبوی کی توہین پر خاموش رہے، مسجد نبوی کی توہین میں ملوث لوگوں کی عمران نیازی کی سابقہ وزراء نے مختلف ٹویٹس اور بیانات سے حوصلہ افزائی کی۔
