paksahafat پاک صحافت
Related Articles
پاک صحافت انسانی حقوق کے یورپی مبصرین نے غزہ میں 120 اجتماعی قبریں دریافت کی ہیں۔ اس رپورٹ نے اسرائیلی دہشت گردی کا اصل چہرہ دنیا کے سامنے بے نقاب کر دیا ہے۔
موصولہ اطلاعات کے مطابق مغربی ایشیا میں ایک حکومت ہے جو مکمل طور پر غیر قانونی ہے اور اس پورے خطے کی بدامنی اور عدم استحکام کی مکمل ذمہ دار ہے، لیکن چونکہ مغربی ایشیا میں اس غیر قانونی حکومت کو وجود دینے والے امریکہ اور برطانیہ ہیں۔ اس لیے جو کچھ بھی ہو ظلم اور جرائم کرنے والوں کو نظر انداز کر دیا جاتا ہے۔ حالیہ دنوں میں اس ناجائز حکومت کے ہاتھوں ہزاروں بے گناہ فلسطینی بچوں اور خواتین کا قتل عام ہوا ہے لیکن امریکہ اور برطانیہ سمیت بعض دوسرے مغربی ممالک اس کی حمایت کرتے نظر آتے ہیں۔ ادھر انسانی حقوق کے یورپی مبصرین نے ایک ایسا انکشاف کیا ہے جس نے دنیا کے ہر انصاف پسند کو چونکا دیا ہے۔ انسانی حقوق کی تنظیم نے اعلان کیا ہے کہ صیہونی حکومت کی مسلسل جارحیت اور قبرستانوں تک رسائی نہ ہونے کے باعث غزہ کے عوام شہداء کی لاشوں کو اجتماعی قبروں میں دفن کرنے پر مجبور ہیں۔
فلسطینی وزارت صحت نے بھی اعلان کیا ہے کہ غزہ پر ناجائز دہشت گرد اسرائیلی حکومت کے وحشیانہ حملوں کے نتیجے میں شہید اور زخمی ہونے والے فلسطینیوں کی تعداد میں مسلسل اضافہ ہو رہا ہے۔ فلسطین کی خبر رساں ایجنسی ساما نے بھی اطلاع دی ہے کہ غزہ میں گزشتہ چوبیس گھنٹوں کے دوران صیہونی حکومت کی جارحیت میں دو سو فلسطینی شہید اور تین سو ستر زخمی ہوئے ہیں جب کہ ہزاروں افراد اب بھی ملبے تلے دبے ہوئے ہیں۔ غزہ کی صورتحال ایسی ہے کہ لاشوں کو دفنانے کی جگہ نہیں ہے۔ اس کے ساتھ ساتھ اسرائیل اقوام متحدہ کے ان ملازمین کو بھی نشانہ بنا رہا ہے جو غزہ کے لوگوں کی مدد کر رہے ہیں اور آئے روز ان پر حملے اور قتل کر رہے ہیں۔ کچھ ایسے واقعات بھی سامنے آئے ہیں جہاں اسرائیل نے شہید ہونے والوں کی لاشوں پر بمباری کرکے انہیں مکمل طور پر تباہ کردیا۔
