paksahafat پاک صحافت
Related Articles
پاک صحافت اس وقت لبنان کی مزاحمتی تحریک حزب اللہ اور دہشت گرد اسرائیلی فوج کے درمیان شدید جھڑپیں جاری ہیں۔
موصولہ اطلاعات کے مطابق اس وقت لبنان اور غیر قانونی طور پر مقبوضہ فلسطین کی سرحد پر زور دار دھماکوں کی آوازیں سنائی دے رہی ہیں۔ موصولہ اطلاعات کے مطابق لبنان کی عوامی مزاحمتی قوت حزب اللہ کے جوانوں نے اسرائیلی فوج کے وحشیانہ حملوں کا جواب دیتے ہوئے اس کے متعدد اہداف پر میزائل داغے ہیں۔ اسی دوران لبنان اور غیر قانونی طور پر مقبوضہ فلسطین کی سرحد پر شدید جھڑپیں جاری ہیں۔ نیوز چینل الجزیرہ نے بھی ان جھڑپوں کی تصدیق کرتے ہوئے کہا ہے کہ دونوں جانب سے مسلسل حملے کیے جا رہے ہیں۔ جبکہ حزب اللہ نے کئی ٹینکوں اور فوجی ٹھکانوں کو نشانہ بنایا ہے۔
ادھر جنوبی لبنان کے علاقے شیبہ سے زور دار دھماکوں کی آوازیں آرہی ہیں۔ حزب اللہ نے جنوبی لبنان میں حولہ کے مضافات میں واقع العباد اور مارکابہ میں صہیونی فوجی ٹھکانوں کو نشانہ بنایا ہے۔ یہ حملے صہیونی فوج کی گولہ باری کے جواب میں کیے گئے ہیں۔ اسرائیلی فوج نے زبقین اور شیخین پر بھی گولہ باری کی ہے۔ آپ کو بتاتے چلیں کہ حالیہ دنوں میں غزہ میں دہشت گرد صہیونی فوج کے ہاتھوں عام شہریوں بالخصوص خواتین اور بچوں کے وحشیانہ قتل عام کے بعد حزب اللہ نے متعدد بار شمالی مقبوضہ علاقوں میں صیہونی فوجی ٹھکانوں کو نشانہ بنایا ہے۔
