paksahafat پاک صحافت
Related Articles
پاک صحافت اقوام متحدہ کے سیکرٹری جنرل انٹونیو گوٹریس نے خبردار کیا ہے کہ غزہ کی صورتحال تیزی سے خراب ہو رہی ہے۔ انہوں نے خونریزی کو فوری طور پر روکنے کے لیے جنگ بندی کی اپیل کا اعادہ کیا ہے۔
انہوں نے کہا کہ غزہ کی صورتحال ہر گھنٹے بعد مزید مایوس کن ہوتی جا رہی ہے۔
نیپال کے دارالحکومت کھٹمنڈو کے دورے کے دوران گٹیرس نے کہا: مجھے افسوس ہے کہ بین الاقوامی برادری کی حمایت میں انتہائی ضروری انسانی بنیادوں پر جنگ بندی کے بجائے اسرائیل نے اپنی فوجی مہم تیز کر دی ہے۔
انہوں نے کہا: شہریوں کی ہلاکتوں اور زخمیوں کی تعداد کسی بھی صورت میں ناقابل قبول ہے۔ دنیا والے دیکھ رہے ہیں کہ ان کی آنکھوں کے سامنے قیامت برپا ہو رہی ہے۔
ادھر فلسطین کی ہلال احمر سوسائٹی کا کہنا ہے کہ صہیونی فوج نے غزہ کے القدس اسپتال کو بمباری کی دھمکی دیتے ہوئے کہا ہے کہ اسپتال کو فوری طور پر خالی کیا جائے۔
