paksahafat پاک صحافت
Related Articles
پاک صحافت نگورنو کاراباخ کے علاقے میں رہنے والے آرمینیائی شہریوں نے آذربائیجان کے ساتھ جنگ بندی کی روسی تجویز سے اتفاق کیا ہے۔
اس سے ایک روز قبل آذربائیجان نے اس انکلیو کو کنٹرول کرنے کے لیے جارحانہ مہم شروع کی تھی۔
آذربائیجان کی وزارت دفاع نے تصدیق کی ہے کہ اس نے آرمینیائی آبادی والے پہاڑی علاقے میں جنگ بندی پر اتفاق کیا ہے۔
آرمینیا کے وزیر اعظم نکول پشینیان نے کہا ہے کہ ناگورنو کاراباخ اور آذربائیجان میں علیحدگی پسندوں کے درمیان جنگ بندی کے لیے یہ بہت ضروری ہے۔ انہوں نے امید ظاہر کی کہ متنازع علاقے میں روسی امن دستوں کی طرف سے اس کو یقینی بنایا جائے گا۔
پشینیان نے ایک ٹیلی ویژن خطاب میں کہا: ہمیں امید ہے کہ فوجی کشیدگی جاری نہیں رہے گی، کیونکہ موجودہ حالات میں استحکام کو یقینی بنانا اور دشمنی کو روکنا بہت ضروری ہے۔
آذربائیجانی میڈیا کے مطابق، وزارت دفاع کا کہنا ہے کہ آذری فوج نے نگورنو کاراباخ میں 90 فیصد سے زائد علاقے اور تزویراتی طور پر اہم اہداف کا کنٹرول سنبھال لیا ہے۔
نگورنو کاراباخ حکام کا کہنا ہے کہ تازہ ترین لڑائی میں 32 افراد ہلاک ہوئے ہیں۔ جنگ بندی میں مقامی فورسز سے ہتھیاروں کا مکمل انخلا اور آرمینیائی سکیورٹی فورسز کا انخلاء شامل ہے۔
نگورنو کاراباخ کی زیادہ تر آبادی آرمینیائی نژاد ہے، لیکن بین الاقوامی دنیا اس خطے کو آذربائیجان کا حصہ تسلیم کرتی ہے۔
