paksahafat پاک صحافت
Related Articles
پاک صحافت ایران کے وزیر دفاع اور دیگر اعلیٰ حکام کی موجودگی میں 200 سے زائد ڈرون طیاروں کو فوج میں شامل کیا گیا۔
خبر رساں ایجنسی ایران پریس کی رپورٹ کے مطابق ایران کے بعض علاقوں میں تقریبات کا انعقاد کیا گیا جس میں یہ اعلان کیا گیا کہ 200 سے زیادہ ڈرون طیارے فوج کے حوالے کر دیے گئے ہیں۔
اس سلسلے میں منعقدہ تقریب میں امیر میجر جنرل سید عبد الرحیم موسوی، ایران کے وزیر دفاع محمد رضا کرائی اشتیانی اور کئی دیگر اعلیٰ حکام نے شرکت کی۔
اسی طرح اس پروگرام میں ایران کی پارلیمنٹ کی مجلس شورائے اسلامی کے خارجہ پالیسی اور قومی سلامتی کمیشن کے سربراہ وحید جلال زادہ بھی موجود تھے۔ اس پروگرام میں اسٹریٹجک ڈرونز ابابیل 4، 5، عرش، جیٹ کرار، دہم شہریور اور اخگر جیسے ڈرونز کو شامل کیا گیا۔
ایران کے وزیر دفاع نے کہا کہ ڈرونز کی توسیع اور ترقی کا پروگرام پوری قوت کے ساتھ جاری ہے۔ وزیر دفاع محمد رضا قرائی اشتیانی نے کہا کہ میدان جنگ میں ڈرونز کا بہت اہم کردار ہے اور گزشتہ کئی سالوں سے ڈرونز کے حوالے سے کام کیا جا رہا ہے اور اسی کام کا نتیجہ ہے کہ آج مختلف قسم کے ڈرونز تیار کیے جا رہے ہیں۔
انہوں نے کہا کہ ڈرونز میں جدید ترین ٹیکنالوجی اور وسائل اور آلات استعمال کیے جا رہے ہیں اور یقیناً اس کا اثر زیادہ ہے۔
