paksahafat پاک صحافت
Related Articles
پاک صحافت جنوبی کوریا میں ٹرینی ڈاکٹروں نے حکومتی پالیسی کے خلاف احتجاج کرتے ہوئے پیر کے روز اجتماعی طور پر استعفیٰ دینا شروع کر دیا۔ جس کی وجہ سے اسپتالوں میں سرجری اور دیگر علاج میں تاخیر کی اطلاعات موصول ہوئی ہیں۔
موصولہ خبر کے مطابق بین الاقوامی محاذ پر جدوجہد کرنے والے جنوبی کوریا میں اندرونی انتظامات بھی ٹھپ ہو کر رہ گئے ہیں۔ خاص طور پر طبی نظام بری طرح متاثر ہوا ہے۔ کیونکہ ڈاکٹروں نے بڑی تعداد میں استعفیٰ دینا شروع کر دیا۔
ڈاکٹروں کا ایک گروپ اور حکومت کے درمیان میڈیکل اسکولوں میں داخلوں کی تعداد میں 2,000 تک اضافہ کرنے کے حکومتی منصوبے پر اختلاف ہے، جو اگلے سال سے نافذ العمل ہوگا۔
محکمہ صحت کے حکام کا کہنا ہے کہ جنوبی کوریا میں معمر افراد کی بڑھتی ہوئی تعداد کے پیش نظر مزید ڈاکٹروں کی تعیناتی ضروری ہے۔ ان کا کہنا ہے کہ آبادی کے حساب سے ڈاکٹروں کی تعداد کے تعین کے معاملے میں ملک ترقی یافتہ ممالک سے پیچھے ہے تاہم ڈاکٹروں کے گروپ کا کہنا ہے کہ حکومت پہلے دستیاب وسائل کو استعمال کرتے ہوئے طبی فیسوں میں اضافہ کرے اور دیگر مسائل کو حل کرے۔
پیر کو ملک کے پانچ بڑے ہسپتالوں کے ٹرینی ڈاکٹروں نے استعفیٰ جمع کرانا شروع کر دیا۔ ان معالجین کی یونین “کوریا انٹرن ریذیڈنٹ ایسوسی ایشن” نے گزشتہ ہفتے ایک ہنگامی میٹنگ کے دوران اجتماعی طور پر مستعفی ہونے کا فیصلہ کیا تھا۔
