paksahafat پاک صحافت
Related Articles
پاک صحافت لبنان نے غاصب صیہونی حکومت کے خلاف اقوام متحدہ کی سلامتی کونسل میں شکایت درج کرائی ہے اور اس پر صحافیوں کو جان بوجھ کر قتل کرنے کا الزام لگایا ہے۔
موصولہ رپورٹ کے مطابق لبنان کی وزارت خارجہ نے ایک بیان میں کہا ہے کہ اقوام متحدہ میں لبنان کے مستقل نمائندے نے غاصب ناجائز صیہونی حکومت کے خلاف اقوام متحدہ کی سلامتی کونسل میں شکایت درج کرائی ہے۔ یہ شکایت اسرائیل کی جانب سے المیادین ٹی وی چینل کی رپورٹر فرح عمر، کیمرہ مین ربیع المماری اور لبنانی شہری حسین عقیل کے دانستہ طور پر قتل کے تازہ ترین مظالم اور جرائم کے بعد کی گئی ہے۔ بیان میں زور دیا گیا کہ لبنان کی سرزمین پر اسرائیل کا حملہ بین الاقوامی قانون، لبنان کی علاقائی سالمیت اور خودمختاری کی صریح خلاف ورزی اور شہریوں پر حملہ ہے۔
لبنان نے اقوام متحدہ کی سلامتی کونسل سے مطالبہ کیا ہے کہ وہ دہشت گرد اسرائیلی حکومت کے مظالم کی مذمت میں اپنی ذمہ داریاں پوری کرے۔ آپ کو بتادیں کہ ناجائز دہشت گرد صیہونی حکومت نے گزشتہ 47 دنوں میں غزہ، مغربی کنارے اور جنوبی لبنان پر اپنے وحشیانہ حملوں میں ساٹھ سے زائد صحافیوں کو شہید کیا ہے۔
