paksahafat پاک صحافت
Related Articles
اسلام آباد (پاک صحافت) رضا ربانی کا کہنا ہے کہ اس وقت تمام سیاسی جماعتیں اپنی سیاسی جنگ چھوڑ کر سیلاب زدگان کی امداد پر توجہ کریں۔
تفصیلات کے مطابق پیپلزپارٹی کے رہنما سینیٹر رضا ربانی نے ایک بیان جاری کرتے ہوئے کہا ہے کہ سیاسی جماعتیں مختصر مدت کے لیے سیاسی سیز فائر کریں اور مصیبت کی اس گھڑی میں سلاب متاثرین کی مدد کریں۔ سندھ میں سیلاب کی 2010ء سے بھی زیادہ خراب صورت حال ہے۔
رضا ربانی کا مزید کہنا ہے کہ بلوچستان میں سیلاب کی تباہی کو الفاظ میں بیان نہیں کیا جا سکتا، جنوبی پنجاب میں تمام انفرا اسٹرکچر تباہ ہو گیا ہے۔ پی پی پی رہنما کا یہ بھی کہنا ہے کہ سیلاب کی تباہی سے نمٹنے کے لیے قومی کوشش کرنے کی ضرورت ہے، سیلاب متاثرین کے لیے عالمی عطیات کے حصول کی کوشش کی جائے۔
Short Link
Copied
