paksahafat پاک صحافت
Related Articles
ڈھاکہ {پاک صحافت} بنگلہ دیش میں کشتی میں آگ لگنے سے کم از کم 36 افراد ہلاک، ہلاکتوں میں اضافے کا خدشہ ہے۔
جنوبی بنگلہ دیش میں جمعہ کی صبح ایک کشتی میں آگ لگنے سے کم از کم 36 افراد ہلاک ہو گئے۔
بنگلہ دیش میں یہ حادثہ دریائے سوگندھا میں کشتی میں آگ لگنے سے پیش آیا۔ اس واقعے میں کم از کم 100 افراد آگ کی وجہ سے جھلس گئے بتائے جاتے ہیں۔
بتایا جا رہا ہے کہ مقامی وقت کے مطابق صبح تین بجے جب کشتی میں آگ لگی تو اس پر ایک ہزار افراد سوار تھے۔ کشتی میں آگ لگتے ہی کئی لوگوں نے دریا میں چھلانگ لگا دی جس کی وجہ سے وہ اپنی جان سے ہاتھ دھو بیٹھے۔
اس خبر کے لکھنے تک دریا سے 36 لاشیں نکالی جا چکی تھیں۔ یہ کشتی بنگلہ دیش کے دارالحکومت ڈھاکہ سے برگنا جا رہی تھی کہ یہ واقعہ دارالحکومت سے تقریباً ڈھائی سو کلومیٹر دور ضلع جھلکوٹی میں پیش آیا۔
بتایا جاتا ہے کہ جب دریا کے بیچوں بیچ کشتی میں آگ لگ گئی تو بہت سے لوگ سو رہے تھے۔ آگ لگتے ہی لوگ ادھر ادھر بھاگنے لگے جبکہ کچھ نے دریا میں چھلانگ لگا دی۔ اس واقعے کے پیش نظر مرنے والوں کی تعداد میں اضافے کا خدشہ ہے۔ پولیس نے موقع پر پہنچنے کے بعد ریسکیو آپریشن جاری کیا اور جھلسے ہوئے کچھ لوگوں کو اسپتال پہنچایا۔
