paksahafat پاک صحافت
Related Articles
کراچی (پاک صحافت) پاکستان کی ٹک ٹاک اسٹار جنت مرزا کی میوزک ویدیو ریلیز ملتوی ہوگئی، جس کی وجہ خود ٹک ٹاک اسٹار نے اپنے انسٹاگرام اکاؤنٹ کے ذریعے مداحوں کی بتادی۔ خیال رہے کہ ٹک ٹاکر جنت مرزا نے اپنی میوزک ویڈیو کی ریلیز کو 10 مارچ تک ملتوی کرنے کی وجہ خاندان میں ہونے والے فوتگی کو قرار دیا۔
تفصیلات کے مطابق پاکستانی ٹک ٹاک اسٹار جنت مرزا کے گھر صفِ ماتم بچھ گئی ہے، جس کے باعث انہوں نے اپنی میوزک ویڈیو کی ریلیز کو ملتوی کردیا ہے۔ جنت مرزا نے میوزک ویڈیو کی ریلیز ملتوی کرنے کا اعلان انسٹاگرام پوسٹ کے ذریعے کیا ہے۔ خیال رہے کہ خبر سامنے آنے کے بعد ان کے مداحوں نے ہونے والے انتقال پر افسوس کا اظہار کیا اور ٹک ٹاکر کے مرحوم رشتے دار کے لیے مغفرت کی دعا بھی کی ہے۔
واضح رہے کہ ٹک ٹاکر نے اپنی پوسٹ میں لکھا، مجھے یہ بتاتے ہوئے افسوس ہورہا ہے کہ خاندان میں ہونے والی اچانک موت کے باعث ”دل موڑ دے“ کا اجرا ملتوی کردیا گیا ہے۔ اب یہ ویڈیو 10 مارچ کو ریلیز کی جائے گی۔
