paksahafat پاک صحافت
Related Articles
کیلیفورنیا (پاک صحافت) واٹس ایپ کی جانب سے آئی او ایس صارفین کے لیے کیمرا ڈیزائن میں اہم تبدیلی پیش کردی گئی ہے۔ غیر ملکی خبررساں ادارے کے مطابق آئی او ایس کے لیے جاری ہونے والے اپ ڈیٹ ورژن 22.4.0.72 میں واٹس ایپ نے اپنے کیمرا ڈیزائن میں کچھ معمولی تبدیلیاں کی ہیں۔
تفصیلات کے مطابق واٹس ایپ آئی او ایس کے بی ٹا ٹیسٹرز صارفین اس تبدیلی کو آج سے ہی اپنی ایپ پر دیکھ سکتے ہیں۔ تام دیگر صارفین اگلی اپ ڈیٹس میں کیمرے کے ڈیزائن میں ہونے والی یہ تبدیلیاں دیکھ سکیں گے۔ وے بی ٹا انفو کی جانب سے جاری پیغام کے مطابق اس تبدیلی کے ذریعے کیمرا سوئچ کے آئیکون کو ری ڈیزائن کیا گیا ہے۔
واضح رہے کہ اس تبدیلی سے قبل استعمال کنندگان کو گیلری میں تصاویر کے ساتھ ایک افقی بار دکھائی دیتی تھی جسے اب تبدیل کرکے ایک نیا بٹن شامل کردیا گیاہے جس سے صارف براہ راست گیلری کو کھولنے کے اہل ہوگئے ہیں۔
