paksahafat پاک صحافت
Related Articles
نیو یارک (پاک صحافت) ماہرین ٹیکنالوجی نے بڑے بھرکم والے پاوربینک سے جان چھڑانے کے لئے ایک جدید پاور بینک متعارف کر ادیا ہے، جو دکھنے میں بھی انہتائی خوبصورت ہے، اور اسے زیور کی طرح کلائی پر بھی پہنا جا سکتا ہے، کیوں کہ جدید پاور بینک کو ایک کڑے کی شکل میں بنایا گیا ہے۔
تفصیلات کے مطابق سفر کے دوران فون چارج کرنے کی ضرورت پیش آتی ہے اور اسی مشکل کے پیشِ نظر ہاتھوں میں پہنا جانے والا ایک خوشنما کڑا بنایا گیا ہے جو پاوربینک کا کام دیتا ہے۔ اس کے برخلاف روایتی پاور بینک بھاری بھرکم اور تاروں سے بھرے ہوتے ہیں جبکہ کے نیکٹ ایک پاکٹ چارجر کا کام کرتا ہے۔
واضح رہے کہ اس کڑے کی بدولت بجلی کے پلگ، تاروں اور جارچر وغیرہ سے خلاصی مل جاتی ہے۔ کے نیکٹ ایک دھاتی کڑا ہے جو پانچ رنگوں اور تین سائز میں دستیاب ہے۔ اس چارجر کو ایک زیور کی طرح کلائی پر پہنا جاسکتا ہے۔ یہ کڑا آئی فون اور آئی پیڈ کے تمام ماڈل کے لیے کارآمد ہے۔ کے نیکٹ کی گنجائش 2000 ایم اے ایچ ہے۔
