آئی فون

ایپل کا صارفین کو آئی فونز فوری اپ ڈیٹ کرنے کا مشورہ

(پاک صحافت) اگر آپ آئی فون استعمال کرتے ہیں تو ایپل نے ڈیوائس کو فوری اپ ڈیٹ کرنے کا مشورہ دیا ہے۔ ایپل کی جانب سے آئی او ایس 16 پر چلنے والے آئی فونز اور آئی پیڈزکے لیے سکیورٹی اپ ڈیٹس جاری کی گئی ہیں تاکہ ایک بڑی سکیورٹی کمزوری کو دور کیا جاسکے۔ اس کمزوری کے ذریعے ہیکرز آئی فون یا آئی پیڈ کا کنٹرول حاصل کر سکتے ہیں۔

ویسے تو اس طرح کی اپ ڈیٹس عام ہوتی ہیں مگر کمپنی کی جانب سےعموماً فوری اپ ڈیٹ کرنے کا مشورہ نہیں دیا جاتا۔ زیرو کلک، زیرو ڈے یا بلاسٹ پاسٹ’ نامی اس سکیورٹی خامی کے ذریعے ہیکرز Pegasus spyware کو متاثرہ ڈیوائس میں انسٹال کر سکتے ہیں جس سے انہیں ٹیکسٹ میسجز پڑھنے، فون کالز سننے، تصاویر دیکھنے، لوکیشن ٹریکنگ اور متعدد دیگر ڈیٹا تک رسائی حاصل ہو جاتی ہے۔ اس خامی کو سب سے پہلے Citizen Lab نامی ادارے نے دریافت کیا تھا جس کی جانب سے ایپل کو آگاہ کیا۔

واضح رہے کہ امریکا سے تعلق رکھنے والے اس ادارے میں کام کرنے والے ایک فرد کے آئی فون میں Pegasus پروگرام انسٹال ہوگیا تھا۔ ادارے کے مطابق اس سکیورٹی خامی کے ذریعے ہیکرز آئی او ایس 16.6 پر چلنے والی ڈیوائسز پر کنٹرول حاصل کر سکتے ہیں اور متاثرہ فرد کو اس کا علم بھی نہیں ہوتا۔ ادارے کی جانب سے آگاہ کیے جانے پر ایپل کی جانب سے آئی او ایس 16.6.1 کے نام سے اپ ڈیٹ جاری کی گئی ہے۔ Citizen Lab کے مطابق صارفین اپنی ایپل ڈیوائسز پر لاک ڈاؤن موڈ کو ان ایبل کرکے ہیکرز کے حملے کو بلاک کر سکتے ہیں۔

یہ بھی پڑھیں

واٹس ایپ

واٹس ایپ کا نیا فیچر، غیر ملکیوں سے باتیں کرنا ہوا اور آسان

(پاک صحافت) میٹا کی میسیجنگ ایپ واٹس ایپ دنیا کے مختلف ممالک میں اپنے صارفین …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے