paksahafat پاک صحافت
Related Articles
تہران (پاک صحافت) وزیر خارجہ بلاول بھٹو کا کہنا ہے کہ یکطرفہ پابندیوں کا مقابلہ کرنے کے لئے ہمیں ایران سے سیکھنا چاہئے جس نے پابندیوں کے باوجود اپنی معیشت کو مضبوط کیا ہوا ہے۔
تفصیلات کے مطابق وزیر خارجہ بلاول بھٹو نے ایران میں وزارت خارجہ کے افسران سے خطاب کرتے ہوئے کہا ہے کہ پاکستان ایک ایسے جغرافیائی خطے میں واقع ہے کہ جہاں علاقائی اور جغرافیائی سیاست کا ملکی فیصلوں بالخصوص معیشت پر اثر ہوتا ہے۔
وزیر خارجہ بلاول بھٹو کا مزید کہنا تھا کہ چین سے ہمارے روابط زیادہ ہیں، بھارت سے مسائل کی وجہ سے ہمارے سفارتی و معاشی روابط اس سطح پر نہیں ہیں، افغانستان سے ہمارے معاملات دو دہائیوں سے خاص تناظر میں رہے ہیں۔ انہوں نے کہا کہ ہمیں اہلیان ایران سے سیکھنے کی ضرورت ہے کہ کسی بھی قسم کی وجوہات کے تحت عالمی یا یکطرفہ پابندیوں کے چیلنج کے باوجود کیسے یہ اپنی معیشت چلارہے ہیں۔
