paksahafat پاک صحافت
Related Articles
کراچی (پاک صحافت) ترجمان کے الیکٹرک کا کہنا ہے کہ آئندہ 3 سے 4 گھنٹوں میں کراچی کے بیشتر حصوں میں بجلی بحالی کا امکان ہے۔
تفصیلات کے مطابق کراچی کو بجلی فراہم کرنے والی کمپنی کے الیکٹرک کے ترجمان کا کہنا ہے کہ بلدیہ، بلوچ کالونی، جیکب لائن، کورنگی، قیوم آباد کے علاقوں میں بجلی کی بحالی جاری ہے۔ کراچی کے مختلف علاقوں میں بجلی کی فراہمی صبح ساڑھے 7 بجے کے قریب معطل ہوئی، کراچی شہر کا 90 فیصد حصہ اب بھی بجلی سے محروم ہے۔
ترجمان کا مزید کہنا ہے کہ سسٹم کا استحکام برقرا رکھنے کیلئے بحالی کا عمل بتدریج کیا جا رہا ہے، آئندہ 3 سے 4 گھنٹوں میں کراچی کے بیشتر حصوں میں بجلی بحالی کا امکان ہے۔ انہوں نے کہا کہ نیشنل گرڈ سے بجلی کی بحالی کیلئے این ٹی ڈی سی سے رابطے میں ہیں، شہر میں بجلی کی مکمل بحالی میں 24 گھنٹے لگ سکتے ہیں۔
Short Link
Copied
