paksahafat پاک صحافت
Related Articles
کراچی (پاک صحافت) مرتضی وہاب کا کہنا ہے کہ عدالت معصوم ماہم کو جنسی زیادتی کا نشانہ بنانے اور اسے قتل کرنے والے سفاک ملزم کو کڑی سے کڑی سزا دے۔
تفصیلات کے مطابق ترجمان سندھ حکومت مرتضی وہاب نے کہا ہے کہ معصوم ماہم سے زیادتی اور قتل کرنے والے ملزم کا کیس عدالت میں چلے گا اور عدلیہ بھی اس سفاک ملزم کو کڑی سے کڑی سزا دے۔ معصوم ماہم سے زیادتی اور قتل کرنے والے ملزم کو گرفتار کرلیا گیا ہے، قاتل درندے کا ڈی این اے ماہم کے ڈی این اے سے میچ کرگیا ہے۔
ترجمان سندھ حکومت مرتضی وہاب کا مزید کہنا ہے کہ بحیثیت معاشرے کا فرد ہم سب نے اپنا کردار ادا کرنا ہے، اردگرد نظر رکھیں تاکہ آئندہ ایسے واقعات پیش نہ آئیں۔ انہوں نے کہا کہ میں ماہم کے والدین کے ساتھ ہمدردی اور دلی تعزیت کا اظہار کرتا ہوں، ہم سب کے دل اس افسوس ناک واقعہ پر رنجیدہ ہیں۔
Short Link
Copied
