paksahafat پاک صحافت
Related Articles
اسلام آباد (پاک صحافت) حافظ حمداللہ کا کہنا ہے کہ تین سال میں یہ واضح ہوچکا ہے کہ عمران خان ملک سے غربت کا نہیں بلکہ صرف غریبوں کا خاتمہ کرنا چاہتے ہیں۔ مہنگائی کی وجہ سے ہر غریب خودکشی پر مجبور ہے۔
تفصیلات کے مطابق پاکستان ڈیموکریٹک موومنٹ کے ترجمان حافظ حمداللہ نے کہا ہے کہ پی ڈی ایم ملک اور قوم کو مہنگائی اور بے روزگاری کے عذاب سے نجات دلانے کیلئے سڑکوں پر ہے۔ کل نا اہل اور ناجائز حکمرانوں کے خلاف فیصل آباد میں تاریخ ساز جلسہ ہوگا جس کی صدارت سربراہ پی ڈی ایم مولانا فضل الرحمان کریں گے۔
حافظ حمداللہ کا مزید کہنا تھا کہ پی ڈی ایم نے بجلی کی قیمتوں میں اضافہ مسترد کردیا ہے۔ حکومت بجلی کی قیمت میں اضافے سے عوام کی جیبوں پر اربوں کا ڈاکہ ڈال رہی ہے۔ جھوٹی حکومت اور تباہی سرکاری نے تین سال میں پٹرول کی قیمتیں میں 40 فیصد اضافہ کیا ہے۔
Short Link
Copied
