paksahafat پاک صحافت
Related Articles
اسلام آباد (پاک صحافت) اعظم نذیر تارڑ کا کہنا ہے کہ پیپلزپارٹی کیساتھ بات چیت کا سلسلہ مثبت انداز میں جاری ہے۔
تفصیلات کے مطابق مسلم لیگ ن کے رہنما اعظم نذیر تارڑ نے میڈیا سے گفتگو کرتے ہوئے کہا ہے کہ حکومت سازی کے معاملے پر پیپلزپارٹی کے ساتھ منگل کی صبح دوبارہ نشست ہوگی، کابینہ میں پیپلز پارٹی کی شمولیت کے حوالہ سے کچھ چیزیں پہلے سے طے شدہ ہیں۔
اعظم نذیر تارڑ کا مزید کہنا تھا کہ پیپلزپارٹی کو پنجاب کابینہ میں دو یا تین وزارتیں ملنے کا امکان ہے۔ پیپلزپارٹی مرکز اور پنجاب میں ن لیگ کی حکومتوں کا ساتھ دے گی تو ن لیگ بلوچستان میں پیپلزپارٹی کی حکومت کی حمایت کرے گی۔
انہوں نے کہا کہ ن لیگ نے ق لیگ، استحکام پارٹی کے علاوہ نیشنل پارٹی، بی این پی اور بی اے پی سے بھی مشاورت کا فیصلہ کیا ہے۔ جب کہ پیر کو پیپلزپارٹی کی رابطہ کمیٹی سے ملاقات کے بعد ن لیگ کے رہنماؤں نے ایم کیو ایم پاکستان کی رابطہ کمیٹی سے بھی اسلام آباد میں ملاقات کی۔
