paksahafat پاک صحافت
Related Articles
کراچی (پاک صحافت) منظور وسان نے انکشاف کیا ہے کہ اس وقت عمران خان کے حالات بہت زیادہ خراب ہیں۔ وہ جلد خود ہی مستعفی ہوکر انتخابات کا اعلان کریں گے۔
تفصیلات کے مطابق پیپلزپارٹی کے رہنما منظور وسان نے کہا ہے کہ ملک میں مہنگائی اتنی زیادہ کردی گئی ہے جس کی وجہ سے عوام سخت پریشان ہیں اور عوام اچانک سڑکوں پر نکل آئیں گے۔ سلیکٹر اب نماز پڑھیں، یہ مہینہ خطرناک لگ رہا ہے، یہ الیکٹڈ کا وقت ہے سلیکٹرز کا وقت گیا۔
منظور وسان کا مزید کہنا ہے کہ اب الیکشن ہوں گے اور جیتی ہوئی نشستوں کی بنیاد پر حکومت بنے گی، ہوسکتا ہے کہ آئندہ حکومت پیپلزپارٹی اور ن لیگ اکٹھے بنائیں، یہ بھی ہوسکتا ہے کہ پیپلزپارٹی اپوزیشن میں بھی بیٹھ جائے۔ انہوں نے کہا کہ مجھے کپتان کا مستقبل بہت خراب جبکہ کھلاڑیوں کا مستقبل بہت اچھا دکھائی دے رہا ہے، کچھ وزراء عمران خان کے فیصلوں سے متفق نہیں ہیں۔
