paksahafat پاک صحافت
Related Articles
اسلام آباد (پاک صحافت) شہباز شریف نے قومی سلامتی کمیٹی اجلاس میں دی جانے والی بریفنگ کو تسلی بخش قرار دیتے ہوئے اس پر اظہار اطمینان کیا ہے۔
تفصیلات کے مطابق مسلم لیگ ن کے صدر اور قومی اسمبلی میں اپوزیشن لیڈر شہباز شریف نے ذرائع ابلاغ کے نمائندوں سے غیر رسمی گفتگو کرتے ہوئے کہا ہے کہ پارلیمانی کمیٹی برائے قومی سلامتی کمیٹی اجلاس میں سوال و جواب کا سیشن ہوا اور آرمی چیف جنرل قمر جاوید باجوہ نے بھی ہمارے سوالات کے جواب دیئے ہیں۔
شہباز شریف کا مزید کہنا تھا کہ خارجہ پالیسی اور داخلی صورت حال پر بریفنگ دی گئی، کشمیر اور افغانستان کی صورتحال پر بھی بریفنگ ہوئی، موجودہ صورتحال پر بریفنگ اطمینان بخش ہے تاہم ان کیمرہ اجلاس کی تفصیل نہیں بتا سکتے البتہ بریفنگ جامع تھی، صورتحال پر بہت اچھے انداز میں بریفنگ دی گئی۔
Short Link
Copied
