paksahafat پاک صحافت
Related Articles
اسلام آباد (پاک صحافت) وزیر قانون اعظم نذیر تارڑ کا کہنا ہے کہ اس وقت ایک بہت بڑا آئینی مسئلہ کھڑا ہوگیا ہے۔
تفصیلات کے مطابق وزیر قانون اعظم نذیر تارڑ نے سپریم کورٹ کے باہر میڈیا سے گفتگو میں کہا ہے کہ عدالتی کارروائی سب کے سامنے ہے، وہ 9 رکنی بینچ بھی 5 رکنی بینچ میں تبدیل ہوا، پہلے والا فیصلہ 4/3 سے آیا اور ثابت ہوا کہ خارج ہوچکا ہے۔
اعظم نذیر تارڑ کا مزید کہنا تھا کہ 184/3 کے اختیارات کے حوالے سے جو صورتحال ہے سب کے سامنے ہے، صبح چار رکنی بینچ بیٹھا اس میں بھی جسٹس مندوخیل نے معذرت کرلی، امید تھی کہ چیف جسٹس گھر کے بڑے والا کردار ادا کریں گے۔
وزیر قانون نے کہا کہ تین رکنی بینچ نے جب سماعت شروع کی تو یہی نکتہ بار کونسل کے عہدیداران نے رکھا، ایک بہت بڑا آئینی مسئلہ کھڑا ہوگیا ہے۔
Short Link
Copied
