paksahafat پاک صحافت
Related Articles
اسلام آباد (پاک صحافت) ترجمان دفتر خارجہ کا کہنا ہے کہ امریکی محکمہ خارجہ کی جانب سے مقبوضہ کشمیر کے متعلق جاری بیان متنازعہ حیثیت سے متصادم ہے۔
تفصیلات کے مطابق ترجمان دفتر خارجہ زاہد حفیظ چوہدری نے مقبوضہ کشمیر کے متعلق امریکی بیان کو مایوس کن قرار دیتے ہوئے کہا ہے کہ امریکی محکمہ خارجہ نے کشمیر کی متنازعہ حیثیت سے متصادم اور منافی بیان دے دیا ہے جو کسی صورت قابل قبول نہیں ہے۔
ترجمان دفتر خارجہ زاہد حفیظ چوہدری کا مزید کہنا ہے کہ مسئلہ کشمیر کو اقوام متحدہ کی قراردادوں کے مطابق حل کرنے کی کوشش کی جائے، بین الاقوامی برادری مقبوضہ کشمیر میں انسانی حقوق کی پامالی روکنے کے لئے بھارت پر زور ڈالے۔ انہوں نے کہا کہ امریکی محکمہ خارجہ نے حقائق کے برعکس ٹوئٹ کی جس میں ”بھارت کا جموں کشمیر” لکھا گیا ہے۔
Short Link
Copied
