paksahafat پاک صحافت
Related Articles
اسلام آباد (پاک صحافت) انٹرنیشنل کنسورشیم آف انویسٹیگیٹو جرنلسٹس (آئی سی آئی جے) نے پنڈورا پیپرز سے متعلق جاری بیان میں کہاہے کہ پنڈورا پیپرز میں عمران خان کے قریبی افراد کی کمپنیاں سامنے آئی ہیں۔ انٹرنیشنل کنسورشیم آف انویسٹیگیٹو جرنلسٹس کاکہنا ہے کہ وزیراعظم عمران خان نے پانامہ پیپرز کے بعد کرپشن فری پاکستان دور کا وعدہ کیا تھا۔
تفصیلات کے مطابق پنڈورا پیپرز میں آف شور کمپنیاں رکھنے والے 700 سے زائد پاکستانیوں کے نام سامنے آگئے۔پنڈورا پیپرز کی آف شور کمپنیوں کی لسٹ میں وزیر خزانہ شوکت ترین، وفاقی وزیر مونس الہٰی، سینیٹر فیصل واوڈا اور سینئر وزیر پنجاب عبدالعلیم خان کے نام بھی موجود ہیں۔
واضح رہے کہ پنڈورا پیپرز میں وفاقی وزیر صنعت خسرو بختار کے اہل خانہ کے نام بھی آف شور کمپنی نکل آئی ہے۔ خیال رہے کہ اس لسٹ میں وزیراعظم کے سابق معاون خصوصی وقار مسعود کے بیٹے اور ایگزیکٹ کمپنی کے مالک شعیب شیخ کے نام بھی آف شور کمپنی نکل آئی ہے۔
